Kryeministri Edi Rama ka vlerësuar sërish ministrin, Ditmir Bushati për detyrën e kryer gjatë këtyre 6 viteve në krye të ministrisë së Europës dhe Punëve të Jashtme.
Në një pritjen për trupin diplomatik të akredituar në Shqipëri ku merrnin pjesë edhe ministra, deputetë etj, Rama theksoi se Bushati ishte në lartësinë që e kërkoi detyra, ndërsa renditi edhe shumë prej sukseseve në fushën diplomtike.
Kryeministri foli për shërbimin dinjtoz të Bushatit gjatë detyrës së tij dhe shtoi se ai do të vijojë të jetë një vlerë e shtuar e politikës shqiptare.
“ Unë dua ta falenderoj me mirënjohje, për shërbimin dinjitoz që që i ka bërë Republikës së Shqipërisë. Ai dha më të mirën e tij, në detyrën e ministrit për Europën dhe Punët e Jashtme, dhe nga lërtesia e një eksperence goxha të konsiderueshme, do të vijojë të jetë një vlerë e shtuar e qeverisjes sonë dhe e familjes sonë politike”, tha Rama.