Kryeministri Edi Rama u ka kërkuar sërish naftëtareve të mbyllin grevën e urisë dhe të diskutojnë për zgjidhjen e problemit të tyre.
Në një postim në Tvvitter ai thotë se qeveria është duke kërkuar për një investitor serioz për të rindezur rafinerinë.
“Të dashura greviste të Ballshit, është e drejta juaj të mos dilni nga greva, por është e pamundur të ulemi bashkë me presione e ultimatume! Jam gati të vij tek ju sapo të mbyllni grevën e të flasim si do mundemi t’ju ndihmojmë për këtë hall që nuk e ka krijuar qeveria. “e po punojmë për të gjetur investitorë seriozë që të rindezin rafinerinë edhe pse greva juaj nuk ndihmon as për këtë! Ndërsa për ndihmën e mundshme shtetërore ndërkohë, meqë ju s’pranoni as të dilni në asistencë, ka vetëm një rrugë: Mbyllni grevën dhe ulemi qajmë hallin!”, shkruan Rama
Ndërkohë grevistet janë shprehur dakord për të ulur e biseduar, duke i kërkuar kryeministrit të caktojë vendin dhe datën dhe nëse “gjejnë gjuhën e përbashkët” do të ndërpresin grevën.
