Nëse mendoni që gocat e televizioneve kur kanë ndonjë gjë me njëra-tjetrën hedhin thumba, ja ku kemi rastin e Roza Latit që nuk druhet të drejtojë gishtin me emër e figurë tek Megi Pojani. Roza ka shprehur publikisht mendimin e saj lidhur me emisionet që janë duke u xhiruar paralelisht në televizione të tjera dhe ekzaktësisht në ‘Top Channel’, të cilat nuk kanë respektuar njësoj si ajo rregullat e pandemisë në studiot televizive. “Ca po ndodh kështu????? A S’ËSHTE LIGJI I BARABARTË PËR TË GJITHË???? Jemi në kohë pandemie dhe jemi nën presion që dënohemi me gjobë nëse afrohemi fizikisht në studio, në ekran, ndërkohë po shoh rubrika – dhe emisione të tjera në televizione të tjera që po i lujn fenë duke qenë ngjit e ngjit, e duke u prekë e fërkuar….. CA DREQIN ËSHTË KY MUHABET?????? A s’është ligji i barabartë për të gjithë, PO PYES EDHE NJËHERË????!!!!!”,
ka shkruar Roza në videon e publikuar në llogarinë e saj ku duket se ka shkëputur një pjesë të performancës së Megi Pojanit me balerinët e ‘Top Channel’.
