Rihapet gara për ndërtimin e tunelit të Llogarasë! Qeveria ka rihapur garën ndërkombëtare për zgjedhjen e një kompanie, e cila do të ndërtojnë tunelin e Llogarasë.

Ofertat do të priten deri më datën 28 korrik dhe pas zgjedhjet të fituesit, pritet që fillimet të nisin në fund të këtij viti për të përfunduar pas 3 vitesh. Kjo është hera e dytë që gara për tunelin e Llogarasë hapet sërish. Në ‘ankandin’ e parë, Ministria e Infrastrukturës dhe Energjisë e anulloi tenderin duke përjashtuar të 6 kompanitë që morën pjesë për mungesë të plotësimit të dokumentacionit.

Tuneli i Llogarasë do të do të financohet me paratë e buxhetit të shtetit dhe do të kushtojë 155 milion euro. Ai do të jetë i gjatë 5.9 kilometra dhe do të lidhet në hyrje dhe dalje të tij me dy ura, nga 110 dhe 40 metra të gjatë. Programohet që vepra të përfundojë pas 3 vjetësh e 1 muaji.

Qafa e Llogarasë pas ndërtimit të tunelit do të përshkohet për 6 minuta duke reduktuar kohën prej 55 minutash që i duhet sot automjeteve për të kaluar Llogaranë, ndërsa do të lidhet me Urën e Shën Elizës me aksin e ri për të cilin kanë nisur punimet Dukat-Orikum.

PËRGJIGJU

Please enter your comment!
Please enter your name here