Tirana ka nisur punën për merkaton. Skuadra nga kryeqyteti pasi afroi Kainan dhe Selmanin, ka rinovuar kontratën me një lojtar.
Bëhet fjalë për Ardit Hilën, i cili do të vijojë të qëndrojë te bardheblutë. Mesfushori i Tiranës ka luajtur 29 ndeshje në vitin e parë nën drejtimin e Orges Shehit, teksa ka gjetur rrugën e rrjetës 6 herë.
Hila është një emër i njohur i Superiores teksa ka kontribuar për Teutën, Partizanin dhe Kukësin. Në Kosovë, ai ka veshur fanellën e Gjilanit.
