Frank Lampard kthehet në Chelsea për herë të dytë, por a do të rikthehet edhe lista e tij e gjobave? Mbase po!
Legjenda e Bluve u emërua teknik i skuadrës, duke zëvendësuar Graham Potter, i cili u shkarkua pas humbjes 2-0 ndaj Aston Villa javën e kaluar.
Kjo është hera e dytë që 44-vjeçari do të bëjë këtë detyrë në Stamford Bridge, pasi kaloi 18 muaj në krye të skuadrës nga viti 2019 deri në 2021.
Por gjatë herës së parë si menaxher i këtij ekipi, një liste gjobash u bë virale për shkak të natyrës së tij strikte dhe të rreptë. Ndoshta e njëjta rrugë do vijojë edhe këtë radhë, nëse lojtarët vonohen në stërvitje ose kryejnë telefonata gjatë konsumimit të ushqimit.
Lista;
1-Vonesat për ndeshje, koha e nisjes së skuadrës për ndeshje 2.500 paund
2-Vonesat për mbledhjen para stërvitjes 2.500 paund, si dhe 2.500 shtesë për çdo 15 minutësh që kalon
3-Vonesat për në palestër 1.000 paund
4-Vonesat për mjekim 2.500 paund
5-Vonesat në mbledhjet e skuadrës 500 paund për minutë
6-Vonesat në fillimin e stërvitjes 20.000 paund
7-Telefonata gjatë konsumimit të ushqimit apo në mbledhjet e skuadrës 1.000 paund
8-Mungesa në autobuzin e skuadrës pas ndeshjeve pa njoftuar minimalisht 48 orë më parë trajnerin apo asistentin e tij 5000 paund
9-Mungesa e raportit në rast dëmtimi apo sëmundje para ditës së pushimit apo 1 orë e gjysmë para stërvitjes 10.000 paund