Dy shtetasit rusë dhe një ukrainas të kapur në uzinën ushtarake të Çekinit në Gramsh, do të hetohen për spiunazh nga prokuroria e Elbasanit. Në bazë të materialeve të referuara nga policia, ka nisur procedimin penal ndaj tyre për akuzat e goditjes për shkak të detyrës, dhënia e informatave sekrete dhe sigurimi i informatave, vepra penale këto të kryera në bashkëpunim.
Shtetasit rusë janë pajisur me avokatë kryesisht. Ata janë shprehur se nuk kanë lidhje me spiunazhin, por se ishin blogera në rrjetet sociale.
Reagimi i ashpër ndaj efektivëve të forcave të armatosura dhe pajisjet e gjetura në automjetin më të cilin udhëtonin, ka ngjallur dyshime se aktiviteti i blogerit mund të jetë mbulim për qëllime të tjera.
Gjatë ditës së martë, dy rusët dhe shtetasi nga ukraina do të dalin para gjykatës së Elbasanit për caktimin e masës së sigurisë.