Javët e fundit, disa produkte kozmetike janë tërhequr për shkak të pranisë së lilial, lule e familjes së zambakut, substancë e ndaluar në Bashkimin Evropian që nga viti 2022 për shkak të efekteve të dëmshme në shëndetin e njeriut. Ndër markat e përfshira në tërheqjen nga tregu të shumë produkteve me efekte negative është edhe Palmolive.
Në fakt gjatë këtyre ditëve është bërë tërheqja e madhe nga tregu e produkteve të ndryshme kozmetike, për shkak të pranisë së lilial, Butylphenyl Methylpropional ose BMHCA në etiketë.
Është një substancë gjenotoksike që është e ndaluar në Bashkimin Evropian që nga marsi i vitit 2022 dhe për këtë arsye aktualisht është zyrtarisht i ndaluar.
Lista e produkteve të raportuara nga Sistemi Europian i Paralajmërimit të Shpejtë (Rapex) është vërtet e gjatë dhe përfshin xhel dushi, deodorantë, peceta për heqjen e make-up-it, xhel për stilimin e flokëve, qumësht hidratues për trupin, parfume dhe shumë produkte të tjera kozmetike.
Këto janë, sipas të gjitha gjasave, stoqet e vjetra për t’u asgjësuar ende në magazina ( formulimet e reja të zhvilluara nga kompanitë nuk e përmbajnë më atë ).
Lilial në fakt është përdorur prej kohësh në industrinë e kozmetikës dhe, pavarësisht ndalimit, ka ende produkte që e përmbajnë atë në qarkullim, duke përfshirë disa nga marka Palmolive.
Lista e produkteve Palmolive të tërhequra nga tregu:
Palmolive aroma sensations– xhel dushi
Palmolive Shining Beauty – shampo – lot 231020IT10222*B
Palmolive Fresh&Volume – shampo
Palmolive Hygiene Plus – sapun i lëngshëm i duarve – loti 101220IT10119*B
Palmolive Palmolive just fabulous – xhel dushi
Palmolive Men – Sport – Xhel dushi
Palmolive Softness and Shine – shampo
Palmolive Naturals Macadamia dhe kokos – xhel dushi – lot 060317IT10323*B
Palmolive Naturals – ulliri dhe qumështi – loti 812002
Palmolive Naturals – shampo kundër zbokthit – lot 020321IT10322*B
Palmolive Palmolive Man – shampo kundër zbokthit
Palmolive Delicate Care – sapun
Mos harroni se, nëse përdorni produkte të kësaj marke, është mirë që vazhdimisht të monitoroni faqen e internetit të Rapex për të mësuar për çdo sinjalizim të ri (të cilët janë të shumtë në këtë periudhë).
Duhet theksuar se Palmolive nuk është sigurisht e vetmja markë e njohur e përfshirë në tërheqjen e produkteve te rrezikshme te kozmetikes nga tregu . Rapex sqaron se ka raportuar të gjitha produktet e tërhequra nga Nivea , por lista e markave dhe kozmetikës është shumë e gjatë.
Burimi: Rapex