Sherr mes dy të miturve! 14-vjeçari plagos me thikë 17-vjeçarin. Konflikti për motive të dobëta

Këtë të hënë një sherr mes dy të miturve mund të ishte kthyer në një tragjedi. Mësohet se një 14-vjeçar pas një konflikti për motive të dobëta ka qëlluar me thikë një 17-vjeçar. Ky i fundit është dërguar në spital dhe ndodhet nën kujdesin e mjekëve. 14-vjeçari është shoqëruar në Polici. “Rreth orës 08:40, në fshatin Zenisht, Burrel pas një konflikti për motive të dobëta, dyshohet se një shtetas i mitur 14 vjeç, ka goditur me mjet prerës (thikë), shtetasin E.L, 17-vjeç, i cili ndodhet në spital, në kujdesin e mjekëve”, njofton policia.