Mëngjesin e kësaj të shtune dhe në Shkodër është zhvilluar protestë pas vrasjes së 25-vjeçarit Klodjan Rasha në orët e para të 8 dhjetorit.
Me pankarta në duar “Ma në fund kena ba shtet, ditën të puth, natën të vret”; “Policia e Lleshit ta fut plumb mas veshit”; “Edvini e do popullin e vet, prandaj e vjedh, prandaj e vret” dhe me thirrjet “poshtë komunizmi”, “Rama ik!” qindra qytetarë kanë marshuar në rrugët e qytetit duke kërkuar drejtësi për 25-vjeçarin e vrarë nga policia.
Gazetari Senad Nikshiqi raportoi për “Balkanëeb” se protestuesit kanë qëlluar me hurma makinen e policisë në qendër të qytetit, teksa mjeti është larguar për t’iu shmangur protestuesve. Kujtojmë se ditën e vrasjes, xhaxhai i Klodianit tha se ai kishte dy hurma me vete.