Kreu i PD-së Lulzim Basha në konferencën për shtyp me mediat shprehet i bindur se Rama do të largohet me 25 prill qoftë me votë, qoftë me çdo skenar tjetër.
Në bashkëbisedim me gazetarërt, Basha tha se 90% e shqiptarëve duan ndryshimin. Sipas tij e vetmja gjë që ka në dorë Rama është që të lejojë që ndryshimi të bëhet me votë
“Nuk ka formulë ta ndalë ndryshimin. 90% e shqiptarëve duan ndryshimin dhe do bëjmë gjithçka që ky ndryshim të vijë me kosto sa më të ulët për shqiptarët.
Rama nuk do ketë më mundësi të tallet me shqiptarët pas 25 prillit. Për shqiptarët kjo është e vendosur
Hakun do ta marrë, mirë do të ishte ta marrë me votë. Por sido që të jetë në 25 prill shqiptarët do të çlirohen nga Rama, nga ky makth. Në 25 prill do të nisë një ndryshim i vërtetë për gjithë njerëzit. Sesi qysh tek është në dorën tonë, në dorën e atyre që duan ndryshimin që janë një shumicë absolute përtej partive politike. Por që është i pashmangshëm për këtë të jesh i sigurt.
E vetmja gjë që ka në dorë Rama është që të lejojë që ndryshimi të bëhet me votë. Por hakun do ta marrë.
Si me votë si me çdo skenar tjetër që do ti detyrojë shqiptarët, largimi i tij në 25 prill është i vulosur nga shqiptarët”, u shpreh Basha.
