Burnley kryesues ka vulosur rikthimin në Premier League vetëm një sezon pas rënies nga Kategoria, duke mposhtur Middlesbrough dhe duke shkuar 11 pikë më shumë se ndjekësi më i afërt dhe 19 të tilla më shumë se vendi i tretë Luton, teksa kanë mbetur vetëm gjashtë ndeshje për t’u luajtur.
“Clarets” dështuan keq vitin e kaluar, fillimisht nën drejtimin e Sean Dyche dhe më vonë Michael Jackson, duke përfunduar edicionin tre pikë pas Leeds në vendin e 18-të. Por qëndrimi i tyre në Championship këtë herë ka qenë i shkurtër, pasi Vincent Kompany u emërua në krye të ekipit për t’i dhënë frymë të re grupit.
Kompany e ka udhëhequr skuadrën drejt 25 fitoreve në 39 ndeshje të kampionatit.
Disfata e tyre e fundit në ligë ishte në nëntor dhe Burnley ka humbur vetëm dy herë gjatë gjithë sezonit në Championship, ndërsa ka arritur gjithashtu në çerekfinale të Kupës FA ku ecuria e tyre u ndërpre nga ish-klubi i Kompany gjatë kohës kur luante futboll, Manchester City.
Burnley synon që të bëjë një merkato pozitive, për të mos diskutuar më më pas një rënie të mundshme nga elita.