Ministrja e Shtetit për Marrëdhëniet me Parlamentin, Elisa Spiropali flet për nismat që kërkojnë 84 vota në Kuvend, dhe kontaktet që ka mazhoranca me opozitën në Kuvend, duke shtuar se asnjë proces nuk do të mbetet peng.
“Ne ulemi në një tryezë të përbashkët që është konferenca e kryetarëve, ku janë krerët e grupeve dhe të opozitës. Në parlament ka dhe forume ku shërbejmë. Kemi paqartësi për grupet e tyre dhe ata kanë një konflikt për kryesimin e grupit. Është e qartë që ngërci në Kuvend është artificial dhe reflekton ku gjendet opozita.
Asnjë proces nuk do ngelet peng. Nuk duhet të jemi më në pubertet të proceseve politike. Shqipëria është në një moment që ka nevojë për pjekuri. Ata që besojnë se rebelizmi shprehet mes bojkotit, që e vërteta qëndron te ulërima. Nuk është mjet politik të ngresh karrige”, tha Spiropali.