Ukrainasi i arrestuar së bashku me dy rusë për spiunazh në uzinën e armëve në Gramsh, Fedil Alpatov ka kërkuar lirimin nga burgu. Avokati Saimir Visha, thotë se klienti i tij nuk ka lidhje me ngjarjen, pasi ka disa pika në të cilat ai mbështet dhe apelimin e vendimit.
Sipas Vishës, Alpatov nuk ka qenë në vendngjarje kur janë ngritur akuzat për të.
Një tjetër argument që përdor është dhe deklarata e kryeministrit Edi Rama, i cili ka thënë se uzina në Gramsh është e deklasifikuar.
Ukrainasi dhe dy shtetasit rusë, 33-vjeçarja Svetlana Timofoeva, 23-vjeçari u arrstuan mbrëmjen e së shtunës më 20 gusht pas një incidenti në uzinën ushtarake në Gramsh. Teksa tentuan të futeshin në uzinë, ata sulmuan me spray neuro-paralizues dy ushtarët shqiptarë.