Është shtyrë për nesër (27 dhjetor) në orën 11:00, seanca ndaj Sali Berishës, seancë në të cilën SPAK ka kërkuar shtrëngimin e masës së sigurisë në ”arrest shtëpie” si dhe mbikqyrjen e banesës me punonjës të policisë së shtetit. SPAK-u ka kërkuar që Sali Berisha të ruhet me punonjës të Policisë së Shtetit, por kjo masë për avokatin e tij Genc Gjokutaj është e paligjshme.
“Seanca e sotme kishte të bënte me kërkesën e SPAK për zëvendësimin e masës ndaj ish-kryeministrit Berisha në arrest shtëpie. Ajo që dua të denoncoj në paligjshmërinë e kërkesës së prokurorëve është që ndryshimi i masës së sigurisë është kërkuar me mbikëqyrje policore, pra, arrest në shtëpi me mbikëqyrje policore, e pambështetur në ligj çka tregon qëllimin e SPAK dhe kësaj gjykate jo për të bërë një provës të ligjshëm por për t’u hakmarrë për nevoja joligjore. Kërkesa është e paparashikuar në ligj kërkesa që kanë bërë prokurorët e SPAK”, tha Gjokutaj.
Lexo edhe :
Related Posts
Vetë Sali Berisha, nuk ishte prezent, ndërsa paralelisht mbajti një bashkëbisedim me të rinjtë e FRPD-së. Ndërkaq në ambientet e Prokurorisë së Posaçme, për shmangur ndonjë incident, u morën masa të shtuara sigurie, pasi prezente ishin patrulla policie.