27-vjeçarja amerikane, e shpallur edhe Miss Alabama, Zoe Sozo Bethel, ka ndërruar jetë këtë të premte në Miami. E përfshirë në një aksident misterioz, e reja mori lëndime të rënda në kokë të cilat i shkaktuan edhe vdekjen. Lajmin e hidhur e njoftoi familja e saj në rrjetet sociale.
“E dashura jonë Zoe Sozo Bethel kaloi nga kjo jetë në tjetrën si pasojë e nënshtrimit të plagëve të saj”, shkroi familja e saj në Facebook.
Bethel, 27 vjeç, përfaqësoi shtetin e pambukut në konkursin Miss for America Strong, i cili nderon gratë beqare.
Ajo ishte gjithashtu një komentatore politike për RBSN, një kompani mediatike konservatore e njohur për mbulimin e mitingjeve të ish-presidentit Donald Trump, sipas familjes së saj.
Sipas postimeve të familjes në mediat sociale, Bethel pësoi ‘dëmtim të rëndë në trurin/shtrëngun e saj’ më 10 shkurt në një aksident të paspecifikuar në Miami. Ajo ishte në koma deri më 18 shkurt para se të ndërronte jetë.