Djali i presidentit amerikan, Trump Junior ka përgënjeshtruar Partinë Demokratike. Në një postimi në rrjete sociale të Richard Grenell, ku ai i drejtohet Alfred Lelës për të hequr lajmin e cilësuar si të rremë, e ka ripostuar edhe vetë djali i presidentit Trump. Sipas mediave pranë PD, Rama do të shkonte në Beograd për të takuar djalin e presidentit Trump, por e anuloi vizitën.
”I dashur Alfred Lela. E kuptoj që jeni disa ditë larg një zgjedhjeje të rëndësishme. E kuptoj që emocionet janë të larta. Zgjedhjet tuaja i kam parë në heshtje nga anash, sepse Shqipëria është një aleate e rëndësishme dhe e besuar e Amerikës në NATO (dhe një nga vendet e mia të preferuara për të vizituar dhe për të pushuar). Por kjo histori nga media juaj është një gënjeshtër TOTALE. Duhet të korrigjohet menjëherë dhe të hiqet nëse ju interesojnë faktet’‘, thuhet në postim.
Në mbrëmjen e së shtunës, jdjali i presidentit amerikan po darkonte me presidentin serb Aleksandar Vuçiçin në Beograd, si pjesë e vizitës së tij në Evropën Juglindore. Disa javë më parë, ndërsa po planifikonte këtë vizitë, Donald Trump Jr. kishte planifikuar gjithashtu të vizitonte Tiranën, ku do të darkonte me kryeministrin Edi Rama.
Planet e udhëtimit të Trump Jr. u ndryshuan kur persona të afërt me stafin e Presidentit Trump mësuan se Edi Rama ishte përfshirë në axhendë. Sot Donald Trump Jr vazhdoi takimet në Budapest, në një konferencë biznesi, duke e hequr Tiranën nga lista e prioriteteve.
