Kryebashkiaku i Tiranës, Erion Veliaj, ka prezantuar drejtuesit e rinj të Partisë Socialiste në 27 njësitë vendore të Tiranës.
Në fjalën e tij Veliaj sulmoi ish-kryeministrin Sali Berisha dhe ish-presidentin Ilir Meta, duke thënë t’i zgjidhin vetë hallet e tyre.
“Shumë njerëz paragjykonin, s’ka mundësi PS të kalojë ligjin për transparencën e dosjeve të sigurimit. Ja ku jemi sot. Dhe u duk kush ishte komunist nga më të këqijtë dhe kush ishte fuks nga më të rëndomtit dhe sot t’i zgjidhin vetë nga komunisti Sali dhe fuksi Ilir. Por PS është partia e 2022-shit, partia moderne, partia që në këtë javë i gëzohet faktit që hapi negociatat. Më në fund jemi në tren, në trenin e BE-së dhe është vetëm çështje kohe derisa të mbërrijmë në destinacion. Nuk dua t’ju lodh me këtë gjë, por është vetëm një mënyrë për t’ju treguar që ne jemi duke bërë biseda për të ardhmen, e dhe kur flasim për blockchain, edh kur flasim për integrimin në BE, edhe kur flasim ëpr shumë prej këtyre temave, po flasim nga sot e tutje, ndërkohë ata janë duke zgjidhur akoma hallet e viteve ’90. Kush na spiunoi te greva e urisë? Ishte ky Ilir Metë, apo do ia hedhim fajin dikujt tjetër? Kush ishte doktori që Ramizi e çoi të prishte protestën e studentëve? Ishte ky doktor, apo ishte një doktor tjetër? Ata e kanë jetën e tyre të obsesuar për të zgjidhur dhe për të sqaruar muhabetet e vitit ’90, ne e kemi jetën tonë të angazhuar dhe të mobilizuar të sqarojmë muhabetet, ëndrrat, misioni e Shqipërisë që vjen nga 2022-shi, 2023-shi, e tutje, se sot jemi Kryeqyteti Europian i Rinisë dhe nesër do të jemi një vend anëtar i BE-së”, tha Veliaj.