Sot në familjen e gazetares Ilva Tare dhe ish-kryetarit të Partisë Demokratike Eduard Selami është një ditë e veçantë.
Djali i tyre, Thomas mbush plot 3 vite dhe nuk kishte si të mos reflektohej lumturia e këtij momenti.
Ka qenë mami Ilva që ka postuar në Instagram disa foto dhe video, ku i vogli shfaqet pranë motrës së tij, Melodi dhe në krahët e atit Eduardit.
Ndërsa në një video tjetër, dikush e pyet për emrin dhe vogëlushi përgjigjet me theks anglishteje: Thomas Eduart.
Ndërkohë, postimi i Tares ka marrë shumë komente të ëmbla, nga ngjashmëria që Thomas ka me prindërit deri tek kaçurrelat e bukur.