Një rast vjedhje i dështuar me sukses. Kështu mund të quhet tentativa e grabitjes së një burri në Lezhë, në një biznes hidrosanitaresh.
Sipas një videoje të mbërritur në redaksinë e JOQ ALBANIA, e kapur nga kamerat e sigurisë, shihet sesi një burrë tenton të vjedhë diçka nga rafti i biznesit.
Ai e merr dhe në tentativë për tu larguar pengohet në një karton, që ishte lënë në mes të rrugës.
“Skifteri” rrëzohet dhe objekti i vjedhur i bie nga dora. Ai kontrollon për të dhe duket sikur i ka humbur nga sytë, duke e nxjerrë duarbosh.
Qytetari i cili ka dërguar videon ironizon se hajduti nuk është me shumë eksperiencë.