Policia italiane ka vënë në pranga një 30-vjeçar shqiptar në lidhje me vrasjen e 38-vjeçares shqiptare, Anila Ruçi, dy ditë më parë në shtëpinë e saj në Pavia.
I arrestuari, Osman Bilyhu, jetonte me viktimën, ndërsa është i shtruar në spital në Pavia me plagë thike. Sipas gazetës italiane, 30-vjeçari u gjet jashtë shtëpisë ku ndodhi vrasja.
Ai u prezantua si vëllai i viktimës, por në fakt nuk ka lidhje me të. Arrestimi i shqiptarit erdhi pas një seance pyetjesh gjatë natës në spitalin ku ndodhet i shtruar.