Fabrika e lëngjeve të frutave në Libohovë është përfshirë pasditen e kësaj të enjteje nga flakët.
Bëhet me dije se shkak është bërë një shkëndijë elektrike. Nuk raportohet për të lënduar, por si pasojë janë shkaktuar dëme të konsiderueshme materiale.
Në vendngjarje ndodhen forcat e zjarrfikëses së Libohovës, Gjirokastrës dhe Dropullit, të cilët po punojnë për shuarjen e flakëve.