Vatrat e zjarrit në masivin pyjor të zonës së mbrojtur në Pishporo vijojnë ende të jenë aktive.
Sipas prefektit Lefter Shehaj, vatrat vijojnë të jenë aktive me intensitet më të ulët gjatë orëve të pasdites, ndërkohë që riaktivizohen të favorizuara nga era e fortë.
Zjarrin masiv të 5 ditëve, Shehaj e ka konsideruar katastrofë mjedisore jo vetëm për shkak të sipërfaqes së konsiderueshme të përshkruar nga vatrat e zjarrit, por edhe për ndotjen e ambientit në të gjithë zonën e mbuluar nga tymi.