Nga Kavaja, kryeparlamentarja dhe drejtuesja politike e PS për qarkun Tiranë, Elisa Spiropali tha për “Opinion” se është e zhgënjyer me faktin se KQZ nuk publikoi rezulltatet nga votimi elektronik në Vorë dhe njësinë nr.10 në Tiranë. “Bie ndesh me logjikën e numërimit, me traditën e nxjerrjes së rezultatit në kohë reale dhe vetë investimin që është bërë. Nuk e kuptojmë se cila taktikë e partive e ka detyruar KQZ-në të mos e publikojë këtë rezultat, që të keni besim është tejet i lartë për PS-në”, tha ajo. U shpreh me bindje se PS ka marrë fitoren në bashkinë Vorë.…
Author: tirana
Edhe në Tepelenë ka nisur numërimi i votave. Fillimisht kanë nisur që të numërohen kutitë e fshatrave Progonat, Nivicë dhe Sinanaj. Shifrat e para priten që të publikohen në kohë reale nga KQZ.
Drejtuesi politik i PD për qarkun e Tiranës, Belind Këlliçi flet nga dyert e komisariatit numër 2 në kryeqytet. Aty ku dhe ka bërë një kallëzim penal për krime zgjedhore. Këlliçi thotë se ka depozituara një kallëzim në Policinë e Shtetit, pasi ai dhe të tjerë kanë konstatuar një subjekt që shërbente si qendër elektorale për PS. Në fakt Këlliçi thotë se kjo qendër ishte e paloguar dhe e padeklaruar. ”Ndodhem jashtë ambienteve të komisariatit numër 2 në Tiranë. Sapo kam bërë kallëzimin dhe deklaratën për rastin në fjalë, një krim elektoral që e kapëm në flagrancë, ku morëm një…
Në të gjithë vendin po numërohen votat, ku janë hapur edhe tre kutitë e para në Pustec. PS ka marrë 414 vota, ndërsa PD 205 vota. Nisma Shqipëria Bëhet dhe Lëvizja Bashkë kanë marrë secila nga 1 votë, ndërsa partia Mundësia e Agron Shehajt ka siguruar 3 vota. Në Kallamas, PS ka marrë 134 vota, ndërsa PD 35.
KQZ ka urdhëruar operatorin teknik të mos publikojë rezultatin e pajisjeve të votimit elektronik për Vorën. Juristi Kreshnik Spahiu, thotë se bllokimi i numërimit elektronik nga KQZ është në kundërshtim me ligjin. ”Dihet se sa është elektorati socialist dhe demokrat dhe dihet sa mund të jetë për qindja e elektoratit gri. Është e qartë, ne e kishin parashikuar se partitë e reja nuk marrin asnjë mandat në qarqe përveç Tiranës. Situata që është krijuar në dy zona, ku organizatat ndërkombëtare kanë monitoruar. Komisioni Qendror i Zgjedhjeve ka detyrim ligjor dhe kushtetues që të gantrojë procesin e zgjedhjeve, çdo tentativë për…
”Unë nuk merrem me llafe, hamendje. Unë do shoh kutitë, kaq”, tha kreu i koalicionit opozitar Nisma Shqipëria Bëhet Adriatik Lapaj. Me bindje, për të rezultati që do të korrin do jetë befasues. ”Jam i bindur që do kemi një rezultat befasues për këtë Republikë. Na jepni 12 orë kohë dhe do rilidhemi bashkë nesër në këtë orë”.
I qeshur e nisi prononcimin e tij për “Opinion” kreu i Partisë Mundësia Agron Shehaj. “Po presim rezultatin. Është e vështirë të bësh parashikime në këtë moment, por po monitorojmë procesin e numërimit, kemi mbi 1 mijë vëzhgues dhe presim me besim rezultatin”, u shpreh ai. Pjesëmarrjen relativisht të ulët, krahasuar me 4 vite më parë, Shehaj e lidh me largimin masiv të shqiptarëve jashtë vendit. Një analizë të shkurtër ia bëri Baton Haxhiu, të cilën e priti pozitivisht. Vunë edhe një bast për mandatet që mund të marrë “Mundësia” në kryeqytet. Baton Haxhiu: Veje bastin, bëhu burrë! Agron Shehaj:…
Drejtuesi politik i PS-së për diasporën, Taulant Balla thotë se populli foli me votë sot, ndërsa detyra e partive është ta lexojnë atë dhe të pranojnë rezultatin. ”Edhe njëherë që të jetë e qartë, populli ka folur rezultati është në kutitë e votimit, detyra jonë është ta lexojmë dhe ta pranojmë rezultatin”, tha Balla. Sakaq u shpreh i kënaqur me kthimin e zarfeve nga diaspora në Shqipëri. ”Koeficenti i kthyeshmërisë së votave nga bashkatdhetarët është më i lartë krahasuar me të gjitha vendet që përdorin të njëjtën formë votimi për diasporës”, tha Balla. Ai bëri edhe një parashikim të rezultatit.…
Ministri i Drejtësisë, dhe drejtuesi politik i PS-së në qarkun Lezhë, Ulsi Manja pas përfundimit zyrtar të votimit, thotë se fitoi demokracia dhe qytetaria. Në një postim në Facebook, Manja falënderon qytetarët e qarkut të tij elektoral dhe garanton se vota do të lexohet drejt. ”Manja: 11 maj 2025, ora 19:00 loja u mbyll! Fitoi demokracia dhe qytetaria! Faleminderit nga zemra qytetarëve të Lezhës, Kurbinit dhe Mirditës për qetësinë dhe maturinë e treguar sot. Vullneti juaj është në kuti, vota pret të lexohet drejt, me qetësi dhe respekt ashtu siç ju e treguat me qytetari të plotë. Mirënjohje Lezha, Kurbini…
Në një konferencë për shtyp pas mbarimit të zgjedhjeve, Sali Berisha ka nisur me akuzat, teksa thotë se sovrani foli dhe se në qendrat e djathta elektorale pret rezultat fitoreje. Ai ka folur për zhvillimet në qarkun e Durrësit, ku pretendon edhe se bandat duan të ndikojnë në rezultat. “Të dhëna operative nga mbarë vendi dhe të qendrës së djathtë priten konform kësaj rritjeje dhe rezultatet me një optimizëm të vërtetë. Unë jam këtu para jush për të deklaruar se sovrani foli. Vota është në duar të komisionerëve, në përgjegjësinë më të madhe. Në Durrës, bandat e Pojës dhe Troplinit…
Nga Eduard Zaloshnja Sipas listave zgjedhore të publikuara nga KQZ-ja, mbi 3.71 milionë shtetas kishin të drejtën për të votuar në këto zgjedhje (disa përmes postës dhe disa fizikisht). Nga këta, mbi 1.91 milionë banojë në Shqipëri (sipas INSTAT-it) dhe pjesa tjetër jashtë vendit.Duke ekstrapoluar përafërsisht përqindjet e pjesëmarrjes (të raportuara provizorisht nga KQZ një orë para mbylljes së votimit), rezulton se votuan këtu mbi 1.5 milionë zgjedhës, ndërkohë që rreth 195 mijë i dërguan votat me postë nga diaspora. Duke ndërthurur shifrat e mësipërme, rezulton se rreth 408 mijë zgjedhës të këtushëm nuk votuan. Ose ndryshe mund të thuhet…
Në Vorë është bërë votim elektronik, dhe deri më tani Partia Socialiste ka marrë 222 vota në këtë kuti, ndërsa PD vetëm 73. Shumë shpejt pritet të mësohet dhe rezultati për kutitë e tjera. Vota preferenciale kryeson te Blendi Gonxhja, i cili ka marrë 128 vota. Kreu i KQZ, Ilirjan Celibashi, bëri me dije se rezulatti final për Vorën dhe njësinë 10 në Tiranë do të bëhet me dije mëngjesin e nesërm.