Rezervimet kanë nisur prej javësh dhe Vlorën e kanë zgjedhur edhe turistë nga Italia, Izraeli, Franca, Gjermania dhe Anglia. Vasil Bedinaj, kreu i operatorëve turistikë tha se ”paketat janë të përshtatura për çdo buxhet, duke nisur nga ofertat më ekonomike deri te paketat më të plota që përfshijnë akomodim dhe aktivitetet festive. Këtë vit vërejmë interes të shtuar që paketat të zgjasin edhe për datat 1 dhe 2 janar”. Elisa Bilali, menaxhere e përgjithshme e një biznesi shton se ”rezervimet kanë filluar prej kohësh dhe këtë vit po vërejmë një rritje të numrit të turistëve të huaj, kryesisht nga Izraeli,…
Author: tirana
Ish-kreu i Burgjeve, Agim Ismaili doli nga ambientet e SPAK pas rreth dy orësh. Atij i është komunikuar përfundimi i hetimit dhe marrja e tij si i pandehur. Ismaili akuzohet për “përgjimi i paligjshëm i të dhënave kompjuterike”, “grupi i strukturuar kriminal” dhe “kryerja e veprave penale nga organizata kriminale dhe grupi i strukturuar kriminal”, të dyshuara si të kryera në tentativën për hakërimin e sistemit elektronik të SPAK. Bashkë me të janë marrë të pandehur edhe Zambak Gjoni dhe Arnold Rrokaj. Hetimet nisën pas dyshimeve për tentativën e hakerimit të SPAK disa muaj më parë.
Ministrja për Evropën dhe Punët e Jashtme, Elisa Spiropali në ditën e dytë të vizitës zyrtare në Maqedoninë e Veriut vizitoi komunën e Tetovës. Spiropali u prit fillimisht nga kryetari i komunës Bilall Kasami. Në fokus të takimit ishte zhvillimi lokal, sfidat e qytetit dhe rolin që Tetova luan sot si një qendër dinamike arsimore, kulturore dhe shoqërore në rajon. Më tej, Spiropali dhe zyrtarët lokalë ndoqën performancat artistike të të rinjve në shkollën e mesme mjekësore të Tetovës. “Një gjeneratë e re ruan me pasion vlerat, traditat dhe trashëgiminë që e bëjnë këtë qytet kaq të gjallë, krenar dhe…
Aktivistja suedeze Greta Thunberg u arrestua sot në Londër nga policia britanike, teksa merrte pjesë në një protestë pro-palestineze në qendër të kryeqytetit. Arrestimi u konfirmua nga Policia e Qytetit të Londrës, sipas të cilës 22-vjeçarja u ndalua për shfaqjen e një pankarte në mbështetje të organizatës së ndaluar Palestine Action, në shkelje të Seksionit 13 të Aktit të Terrorizmit të vitit 2000. Protesta u organizua në solidaritet me tetë anëtarë të Palestine Action, të cilët ndodhen në paraburgim dhe janë në grevë urie prej më shumë se 50 ditësh, në shenjë proteste kundër gjyqit dhe kushteve të burgimit.
Sekretari i Përgjithshëm i Partia e Lirisë, Tedi Blushi e cilësoi përjashtimin e deputetëve të opozitës nga Komisioni i Etikës si një “atentat ndaj pluralizmit politik”, duke deklaruar se ky vendim vetëm sa e motivon më tej qëndresën e opozitës. Në një konferencë për shtyp, Blushi u shpreh se afera e AKSHI-t, ka hequr çdo maskë dhe ka konfirmuar rrëmbimin e shtetit nga mafia. ”Ky rrjet kriminal ka vënë dorë mbi Thesarin e Shtetit, ka depërtuar në sisteme të ndjeshme si TIMS-i dhe ka cenuar drejtpërdrejt sigurinë kombëtare. Shteti nuk qeveriset më nga ligji, por nga krimi i organizuar”,-deklaroi Blushi.…
Teksa komenton protestën kombëtare të PD, analisti politik Mentor Kikia thotë se problemi kryesor qëndron te mungesa e organizimit të shoqërisë civile dhe sindikatave. Sipas tij, në një vend ku sindikatat janë të dobëta ose mungojnë, shoqëria e ka të pamundur të vetëorganizohet. ”Ne pyesim pse nuk del populli në rrugë? Sepse mungojnë organizimet shoqërore jo politike dhe sindikatat, të cilat duhet t’i prijnë shoqërisë kur qytetarët kanë pakënaqësi”, tha Kikia. Kikia vlerësoi se kjo situatë lidhet me humbjen e besimit te politika dhe me largimin masiv të pjesës aktive të shoqërisë nga vendi. Ai u ndal edhe te Gjenerata…
Boksieri Jurgen Uldedaj vetëm pak javë pas suksesit në Londër ku u shpall kampion bote në IBO për peshën ‘cruiser”, është shpallur ”Qytetar Nderi” nga Bashkia Lezhë. “Kampioni Jurgen Uldedaj është shembulli më i mirë që me përkushtim të paparë dhe stërvitje serioze ka arritur majat më të larta që një shqiptar ka arritur deri më sot”,-tha Pjerin Ndreu, kryebashkiak i Lezhës. Vetë Uldedaj premtoi se fitorja e fundtetorit nuk do të jetë maja karrierës së tij, por e cilësoi vetëm si stacion të radhës. ”Kjo nuk është akoma maja. Kemi akoma rrugë për të bërë dhe shpresoj që t’ju…
Administrata Trump ka tërhequr rreth 30 ambasadorë dhe diplomatë të lartë amerikanë në misionet jashtë vendit. Kështu raporton media britanike The Guardian duke cituar burime diplomatike. Ky veprim është pjesë e një procesi më të gjerë për të promovuar zyrtarë të administratës që janë besnikë ndaj politikave të reja të Shteteve të Bashkuara. Diplomatët e karrierës zakonisht mbeten në pozicionet e tyre pas ndryshimeve të administratës, duke ruajtur neutralitetin politik. Qeveria Trump pati premtuar më parë se do të largonte atë që e quante “deep state” dhe kjo lëvizje është cilësuar nga kritikët si një pastrim i profesionistëve të shërbimit…
Ish-kreu i Burgjeve, Agim Ismaili këtë të martë është paraqitur në SPAK, pasi është marrë nën hetim zyrtarisht, pas dyshimeve për tentativën e hakerimit të një institucioni shtetëror disa muaj më parë. Hetimet vijnë disa muaj pas incidentit të dyshuar të hakerimit, dhe SPAK ka njoftuar se procedurat po ndiqen në mënyrë intensive, për të përcaktuar rolin dhe përgjegjësitë e tij.
Këtë të martë u mbajt ceremonia për “Medaljet e Arta” që u shkoi nxënësve ekselentë, pasi mbaruan gjimnazin me 10 absolute në të treja vitet. Kryeministri Edi Rama u shpreh se nuk ka privilegj më të madhe sesa të vlerësojë përpjekjet dhe rezultatet e tyre. “Besoj që nuk ka privilegj më të madh sesa të kesh detyrën të vlerësosh përpjekjen dhe rezultatet e njerëzve si ju“, u shpreh Rama. ”S’ma ha mendja se juve e mendoni se çfarë do të thotë për mua personalisht, besoj që për ne të gjithë si njerëz, pavarësisht moshës, statusit, shembujt janë shumë të rëndësishëm…
Kreu i PD-së, Sali Berisha thotë se Ervin Salianji u vetëpërjashtua pasi kaloi vijën e kuqe. ”Mendja te Salianji edhe këtu mor burrë? Ça lidhje ka Salianji këtu? Jemi për farsën. Ai bëri një burg politik. Ai sot është njeriu që ka kaluar linjat e kuqe. Nuk ka një vendim, por ka vetëpërjashtuar veten! Sa herë të pyesni, këtë përgjigje do të merrni”, tha Berisha.
Ngjashëm si fundvitin e kaluar, shumë qytetarë të Kosovës po përballen sërish me ndërprerje të herëpashershme të energjisë elektrike. Në ditët e fundit, ndërprerje ka pasur nëpër shumë qytete, si në Rahovec, Prizren, Lipjan, Gjilani, Suharekë, Viti e Prizren. Kompania Kosovare për Shpërndarjen e Energjisë (KEDS) thotë se shkak është mbingarkesa në rrjet dhe sugjeron përdorim “të përgjegjshëm” të energjisë elektrike. “Ditët e fundit, konsumi i energjisë elektrike ka tejkaluar edhe rekordet e mëparshme të ngarkesës së regjistruar në sistem”, thuhet në reagimin e KEDS-it. Sipas tyre, problemi shfaqet më së shumti prej orës 9:00 deri në 12:00, prej 16:00…