Autoritetet greke kanë shpëtuar 92 emigrantë të paligjshëm. Emigrantët u shpëtuan pasditen e së shtunës në zonën detare në jug të Gavdosit. Një anije patrullimi e Rojës Bregdetare gjeti dhe shpëtoi 31 të huaj që ndodheshin në një gomone. Të shpëtuarit u transferuan, në portin e Karave të Gavdosit, ku ndodhen 61 persona të tjerë, të cilët u shpëtuan në mëngjes. Ata janë në gjendje të mirë shëndetësore. Autoritetet do t’i transferojnë në strehim të përkohshëm, në Qendrën e Ekspozitave Agia në Hania.
Author: tirana
Kapja e disa sasive të mandarinave me përmbajtje pesticidesh të ndaluara ka goditur pothuajse të gjithë fermerët, dhe jo vetëm ata që kanë abuzuar. Në fshatin Xarrë të Sarandës, ku ndodhen sipërfaqe të mëdha me agrume, tregu është tkurrur ndjeshëm në kulmin e prodhimit, si pasojë e lajmeve negative. Për këtë arsye, fermerët e Xarrës, të bashkuar, kanë porositur analizat laboratorike të frutave për të provuar cilësinë e prodhimit të tyre. “Këto janë analizat e kryera nga laboratorë të licencuar, të cilat tregojnë se nuk janë gjetur pesticide të ndaluara. Ne i kërkojmë ndihmë edhe Ministrisë së Bujqësisë për të…
Mbi 1,000 fluturime janë anuluar dhe rreth 3,900 të tjera janë vonuar sot në Shtetet e Bashkuara, sipas të dhënave nga FlightAware. Shkak për ndërprerjet janë problemet me stafin e kontrollorëve të trafikut ajror dhe shkurtimi prej 4% i fluturimeve nga FAA për shkak të mbylljes së qeverisë. Vetëm për të dielën, 820 fluturime janë anuluar, duke shkaktuar kaos dhe vonesa të mëdha për udhëtarët në të gjithë vendin. Mbyllja e qeverisë amerikane është tani më e gjata në historinë e SHBA-së, duke thyer rekordin e mëparshëm prej 35 ditësh të vendosur në vitin 2019, gjatë mandatit të parë të…
Presidenti francez, Emmanuel Macron gjatë vizitës së tij në Meksikë u shpreh se xhevahiret e vjedhura nga muzeu i Luvrit do të gjenden dhe u zotua të rishikojë sigurinë e muzeut në Paris. Macron theksoi se kanë nisur me arrestimin e një pjesë të bandës që kreu këtë vjedhje. “Xhevahiret do të gjenden, ato do të arrestohen dhe do të gjykohen”, u zotua ai. Lidhur me vjedhjen e muzeut të Luvrit, Macron theksoi se kjo është një mundësi për të dalë edhe më të fortë dhe se ajo që ndodhi ishte një tronditje për të gjithë botën. Më 19 tetor,…
Qeveria shqiptare parashikon zgjerim të administratës publike vitin e ardhshëm. Në projektbuxhetin e vitit 2026 janë planifikuar 87 mijë e 12 punonjës buxhetorë, përfshirë edhe 100 punonjës rezervë për institucionet e qeverisjes qendrore. Në vitin aktual, administrata publike ka në total 86314 punonjës, përfshirë edhe 276 punonjës rezervë për institucionet e qeverisjes vendore. Por, krahasuar me vitin 2024, ku administrata kishte 85 mijë e 274 staf, me projektbuxhetin e 2026, janë shtuar 1 mijë e 838 punonjës të administratës shtetërore. Rritja, sipas projektbuxhetit, lidhet me nevojat për shërbime më efikase dhe mbulimin e disa sektorëve që kanë pasur mungesa personeli.…
Kryeministri në detyrë, Albin Kurti, ka përuruar sot dronin e parë të prodhuar në Kosovë, “Skifteri”, i ndërtuar nga kompania “Future Minds Academy” në Gjilan. Në një postim në Facebook, Kurti ka theksuar se ky është një hap i rëndësishëm drejt zhvillimit të industrisë vendore të mbrojtjes dhe prodhimit të dronëve. Të ardhmen e industrisë së mbrojtjes dhe avancimit të dronëve luftarakë po e ndërtojmë e zhvillojmë edhe në Kosovë. Shteti ynë po shndërrohet në vend që prodhon. Në Gjilan, bashkë me kryetarin Hyseni, vizituam kompanitë e prodhimit të dronëve ushtarak “Skifteri” dhe dronët civil, nga “Future Minds Academy” dhe…
Pesë bashki të vendit zgjedhin nesër kryebashkiakët e rinj. Janë 334.539 mijë votues në bashkitë, Vlorë, Berat, Cërrik, Mat, Tepelenë që pritet të votojnë nesër që prej orës 07:00 të mëngjesit kur do të hapen edhe qendrat e votimit. Referuar përcaktimit në kodin zgjedhor, kur data e zgjedhjeve caktohet në periudhën zgjedhore nga 15 tetori deri më 15 nëntor, qendrat e votimit mbyllen në orën 18:00. Komisioni Qendror i Zgjedhjeve ka shpërndarë tashmë materialet zgjedhore. Kutitë e votimit janë shpërndarë përgjatë kësaj të shtunë në KZAZ-të e ngritura në bashkitë e vendit. Në Vlorë numri i qytetarëve do të votojnë…
Pamjet e filmuara me dron tregojnë shkatërrime të mëdha në Brazilin jugor, pasi një tornado e fuqishme goditi shtetin e Paranës, duke vrarë gjashtë persona dhe duke lënduar më shumë se 400 të tjerë. Stuhia, me erëra që kalonin 250 km/h, shkatërroi shtëpi dhe la një person të zhdukur, duke nxitur shpalljen e gjendjes së jashtëzakonshme. Ekipet e shpëtimit vazhdojnë kërkimin në rrënoja, ndërsa spitalet trajtojnë dhjetëra banorë të lënduar rëndë në një nga katastrofat më të këqija të motit në rajon prej vitesh. Në rrjetet sociale, presidenti brazilian Luiz Inacio Lula da Silva shprehu solidaritet me viktimat. Sipas meteorologëve,…
Luhatja e temperaturave në këto muaj vjeshte ka bërë që në urgjencën e pediatrisë në QSUT të paraqiten çdo ditë rreth 300 fëmijë për vizitë, me një shtim të ndjeshëm fluksi. Megjithatë, vetëm 10–15% e tyre kanë nevojë për trajtim të specializuar. “Nëqoftëse, flasim për paraqitje urgjence janë 10-15% e rasteve që vërtetë paraqesin një emergjencë spitalore të plotë, defakto hospitalizohen dhe marrin trajtin të mëtejshëm”, tha mjeku Albert Lama. Në grupvirozat që po qarkullojnë tek të vegjlit, infeksionet respiratore të rrugëve të poshtme të frymëmarrjes janë ato, të cilat po dominojnë në këtë periudhë. Sipas Shefit të urgjencës pediatrike…
Ish-deputetja dhe ish-kryetarja e Lëvizjes Socialiste për Integrim, Monika Kryemadhi ka komentuar situatën aktuale brenda Partisë së Lirisë (ish-LSI), duke shprehur kritika të forta ndaj drejtimit të saj. Sipas Kryemadhit, keqinterpretimi i situatave të shumta ka sjellë shkatërrimin e strukturave të rinisë dhe, më gjerë, të vetë strukturës partiake. “Keqinterpretimi i situatave të shumta shkatërroi strukturën e rinisë. S’ka strukturë partie, ka një tavolinë me katër fytyra që përveçse nuk mbledhin partinë, mendojnë se duke lexuar si deklarata për shtyp intervistat e Ilir Metës bëjnë politikë,” u shpreh ajo në emisionin “Kjo Javë”. Kryemadhi theksoi gjithashtu se, ndonëse nuk ka…
Tatëpjeta e monedhave të huaja përballë lekut, nga njëra anë po shton rezervën valutore, e në tjetrën po dëmton thesarin pasi po mblidhen më pak të ardhura nga sa ishin planifikuar. Për shkak të shtimit të blerjeve të euros në treg nga Banka e Shqipërisë, për të frenuar një tkurrje edhe më të fortë, pra për të mos rënë më poshtë se 96 lekë, vlera më e ulët për këtë vit, rezerva valutore ka arritur në shifra të tjera rekord. Referuar të dhënave zyrtare në fund të shtatorit të këtij viti rezerva valutore arriti në 7.2 miliardë euro, rreth 1.4…
Qeveria britanike po analizon politikat e Danimarkës për të ulur emigracionin e paligjshëm. Media britanike Sky News raporton se ministrja e Brendshme, Shabana Mahmood, ka dërguar zyrtarë në Kopenhagë për të studiuar sistemin danez të kontrollit kufitar dhe të azilit, një nga më të ashprit në Evropë. Në qendër të vëmendjes janë rregullat e rrepta për ribashkimin familjar dhe qëndrimet e përkohshme për refugjatët, të cilat Danimarka i aplikon për të frenuar fluksin migrator. Mahmood pritet të shpallë ndryshime të mëdha në sistemin britanik të emigracionit më vonë këtë muaj. Megjithatë, në Partinë Laburiste ka ndarje të forta mbi këtë…