Pas përfundimit të procesit të numërimit të votës për partinë, në qarkun e Elbasanit ka nisur numërimi për votën që qytetarët kanë dhënë për kandidatin e preferuar. Edhe pse numërimi sapo ka nisur, në PS po kryeson Sara Mila, një nga emrat më të diskutuar përgjatë fushatës, e cila me shumë mundësi do të jetë ajo që merr mandatin. Kurse nga PD, vota po merr Dritani Cani. Procesi po vijon normalisht.
Author: tirana
Drejtuesi i koalicionit Nisma Shqipëria Bëhet, Adriatik Lapaj thotë se janë pranë fitores së një mandati deputeti në Fier. Atyre u duhen edhe 1000 vota që të sigurojnë mandatin e deputetit. Ai shtoi se me projeksionin aktual të votave në Fier dhe me projeksionin aktual të votave të diasporës, subjekti politik që ai drejton mund të arrijë në 9000 vota, duke i marrë mandatin PS-së. ”Ne po kujdesemi që çdo votë e hedhur nga qytetarët të numërohet. Po numërohet në çdo tavolinë. Me këtë projeksion që jemi tani, mendoj se mandati i parë për lëvizjen tonë do të jetë në…
Ministrja e Shtetit për Sipërmarrjen dhe Klimën e Biznesit, Delina Ibrahimaj komenton protestën që ka paralajmëruar Partia Demokratike më 16 maj. ”Mendoj që është një gjest i shëmtuar. Në një ditë të tillë, kur e gjithë Europa vjen në Shqipëri, edhe për shkak të përmirësimit të imazhit të vendit tonë dhe punës së mirë të bërë nga qeveria Rama për të arritur në këtë ditë, unë besoj që është shumë i shëmtuar fakti që do të mbahet një protestë që vërteton atë që kemi thënë edhe herë të tjera: që PD-ja nuk ka asnjë interes të lartësojë imazhin e Shqipërisë,…
Në të gjithë qarkun e Durrësit, ka përfunduar numërimi i votave për subjektet politike. Partia Socialiste kryeson me rreth 20 mijë vota më shumë kundrejt Partisë Demokratike-Aleancës për Shqipërinë Madhështore. PS ka arritur të sigurojë 52.5 % të votave pra 8 mandate, ndërsa PD 38.8 % të votave, pra 6 mandate deputetësh. Pjesa tjetër e votave ndahet mes partive të vogla. Ndërkohë në qarkun Durrës vijon numërimi i votave për kandidatët, për të parë se cilët do të jenë emrat e deputetëve që do të hyjnë në Parlament nga të dy palët.
Kreu i Aleancës për Shqiptarët, dhe deputeti në Kuvendin e Maqedonisë së Veriut, Ziadin Sela, ka uruar kryeministrin Edi Rama dhe PS-në për fitoren në zgjedhjet parlamentare të 11 majit. Sela thekson se qytetarët shqiptarë dëshmuan pjekuri politike dhe kombëtare, si dhe vizion për të ardhmen e vendit në rrugën drejt Bashkimit Evropian. Ai uroi që vendi ynë të futet shumë shpejtë në BE. Postimi i plotë Shqiptarët dhe Shqipëria dëshmuan pjekuri politike dhe kombëtare, vizion për të ardhmen dhe vazhdimin e rrugës Evropiane. Urime Kryeministrit Edi Rama dhe Partisë Socialiste për fitoren që dëshmon besimin e madh të qytetarëve dhe…
Bashkimi Europian në qëndrimin e parë për zgjedhjet e 11 majit, shprehet se ishin gjithëpërfshirëse dhe transparente. Përmes një deklaratë të përbashkët nga shefja e diplomacisë së jashtme, Kaja Kallas dhe komisionerja Marta Kos, BE vlerëson përgëzon autoritetet për zhvillimin normal të procesit zgjedhor në të gjithë vendin. Në deklaratë përmendet edhe vota e diasporës për herë të parë. BE i referohet edhe përfundimeve paraprake të OSBE/ODIHR, duke theksuar dita e zgjedhjeve ishte e qetë dhe e organizuar mirë, pavarësisht disa mangësive. “Të dielën, qytetarët e Shqipërisë ushtruan të drejtën e tyre demokratike për të votuar dhe për të zgjedhur…
Drejtuesi politik i PS-së për njësinë administrative nr.6 në kryeqytet, Blendi Gonxhja ka njoftuar fitoren e mazhorancës në zonën e Kombinatit. Ai u shpreh se socialistët në Kombinat ia kanë dalë të thyejnë rekordin e votave të vitit 2021, duke marrë 54.5%, pavarësisht rënies në pjesëmarrje në zgjedhjet e së dielës. “Është një ditë e bukur për ne socialistët e Kombinatit. Sepse rikonfirmohet si njësia bashkiake me rezultatin më të mirë brenda njësive urbane që kanë dendësinë më të madhe të popullsisë me diference prej 6% me mesataren e këtyre njësive dhe diferencë 7% me mesataren e qarkut. Po njoftojmë…
Kur kanë mbetur edhe 97 kuti për t’u numëruar në qarkun e Tiranës, Partia Socialiste ka marrë rreth 200 mijë vota, që përkthehet në 19 mandate, më shumë se gjysma në këtë këtë qark. PD-ASHM në vendin e dytë me rreth 145 mijë vota, ose 14 mandate. Nga llogaritjet e fundit, mund të kemi një rritje të Partisë Mundësia, e cila ka marrë mbi 20 mijë vota dhe renditet e treta me 5% (1 mandat), por që nëse ruhet trendi në kutitë e fundit, mund të marrë edhe mandatin e dytë, që i hiqet PD-ASHM. Tre partitë e tjera, PSD,…
Përfaqësuesit e partisë ”Mundësia” kontestuan pavlefshmërinë e disa fletëve votimi për shkak të diferencave në ngjyrë në KZAZ nr. 40 në Tiranë. Por mësohet se Komisioni ka marrë një vendim zyrtar, të gjitha votat e kontestuara do të quhen të vlefshme. ”Mundësia” ka denoncuar publikisht se shtatë vota të partisë së tij ishin shpallur të pavlefshme pa një arsye të qartë, ndërsa vetë kreu i partisë, Agron Shehaj, deklaroi se kjo ishte një përpjekje për t’i hequr votat që mund t’u siguronin mandatin e dytë në Tiranë. Ky zhvillim konsiderohet një fitore e rëndësishme procedurale për Partinë “Mundësia”, që sipas…
Ndikimin në mandatet e shpërndara mund ta ketë në vetëm 2-3 të tilla, vetëm vota e diasporës. Nëse asgjë nuk ndryshon atëherë Partia Socialiste në të gjithë vendin merr 82 mandate, 8 më shumë sesa zgjedhjet e kaluara parlamentare të vitit 2021, teksa 5 qarqe i kanë dhënë më shumë ligjvënës socialistëve. Aleanca PD-ASHM merr 52 mandate deputetësh, 11 më pak se zgjedhjet e kaluara kur kishin 63. PD humb mandate në 6 qarqe, më së shumti në Tiranë, Fier dhe Elbasan. PSD e Tom Doshit merr 3 mandatet si në 2021-shin, ndërsa 3 parti të reja marrin nga 1…
Një situatë e tensionuar është shënuar në KZAZ nr. 40 në Tiranë, e vendosur në ambientet e shkollës ”Sami Frashëri”. Aty procesi i numërimit të votave është ndërprerë pak para përfundimit. Shkak për ndërprerjen janë bërë pretendimet e vëzhguesve të Partisë Mundësia të Agron Shehajt, të cilët kanë akuzuar për manipulim të rezultatit dhe shpallje të pavlefshme të votave pa arsye të qarta. Sipas kandidatit Erald Kapri, janë shpallur të pavlefshme 7 vota të subjektit të tij pa asnjë shpjegim ligjor. ”Kaluan votat në skaner, u numëruan, kur papritur 7 vota të Mundësisë u shpallën të pavlefshme, pa thënë arsye.…
Shqipëria do të presë më 16 maj Samitin e Komunitetit Politik Europian, ku do të mbledhë në zemër të kryeqytetit dhjetëra liderë nga e gjithë Europa. Takimi i nivelit të lartë do të zhvillohet në sheshin ”Skëndërbej” ku është ngritur një strukturë e posaçme për mikpritjen e liderave. Samiti pritet të fokusohet në çështje kyçe, përfshirë sigurinë, energjinë dhe forcimin e bashkëpunimit politik mes vendeve europiane. Axhenda zyrtare 10:00-Mbërritje11:00-Ceremonia e hapjes11:30-Foto familjare11:45-Seanca e parë plenare13:00-Dreka zyrtare14:30-Tryeza tematike15:45-Takime dypalëshe midis Kryetarëve të Delegacioneve17:30-Seanca plenare mbyllëse18:30-Konferencë e përbashkët për shtyp me Kryeministrin e Shqipërisë dhe Kryeministrin e Danimarkës (pritesi i radhës)