Ekstradohet nga Kroacia një 26-vjeçari, i cili është dënuar për tentative vrasje. Burime zyrtare bënë me dije se bëhet fjalë për shtetasin Xhino Aliço, lindur në Lushnjë.
I riu akuzohet se në bashkëpunim me babain e tij, shtetasin A. Aliço, kanë plagosur me thikë dhe sende të forta, shtetasin me inicialet J. S., duke i shkaktuar atij dëmtime të rënda në trup dhe në kokë. Ngjarja në fjalë ka ndodhur në 11 qershor të 2016, në lagjen “Skënder Libohova”, në Lushnjë, krim për të cilin u dënua me 13 vite e 6 muaj burg.
NJOFTIMI I POLICISË
Vijon bashkëpunimi i Interpol Tiranës me homologët dhe agjencitë e tjera të zbatimit të ligjit për evidentimin, lokalizimin, kapjen dhe ekstradimin e shtetasve të shpallur në kërkim.
Nga Interpol Tirana u bë ekstradimi nga Kroacia drejt vendit tonë, i shtetasit shqiptar Xhino Aliço, 28 vjeç, lindur në Lushnjë.
Gjykata e Rrethit Gjyqësor Lushnjë me vendimin e datës 10.03.2020, e ka dënuar këtë shtetas me 13 vjet e 6 muaj burg, për veprën penale “Vrasje me dashje”, kryer në bashkëpunim mbetur në tentativë, vendim i cili u la në fuqi nga Gjykata e Apelit Vlorë me vendimin e datës 29.05.2020.
Përmbledhja e ngjarjes së ndodhur:
Më datë 11.06.2016, në lagjen “Skënder Libohova”, Lushnjë, shtetasi Xhino Aliço në bashkëpunim me babain e tij, shtetasin A. A., kanë plagosur me thikë dhe sende të forta, shtetasin J. S., duke i shkaktuar atij dëmtime të rënda në trup dhe në kokë.