Në fillim u aludua se Donaldi dhe Romeo Veshaj kishin hequr dorë nga emisioni “Më lër të flas” që pritej të fillonte në televizionin Top Channel. Por mësohet se pas pjesëmarrjes në festën e organizuar nga Top Channel, duket se janë sheshuar pakënaqësitë mes palëve.
Kështu, Donaldi dhe Romeo kanë vendosur që të mos anulojnë gjithçka dhe me gjasë do të jenë në shtëpinë e tyre të re mediatike ashtu siç ishte paralajmëruar.
Donaldi ishte një nga lojtarët më të pëlqyer të “Big Brother VIP”. Ai arriti deri në finale dhe ishte shumë pranë fitores, por në fund fitues u shpall balerini Ilir Shaqiri. Për këtë arsye, u përfol se Donaldi kishte mbetur i zhgënjyer nga ky vendim dhe kishte refuzuar dhe emisionin që i ishte ofruar nga Top Channel.
Kujtojmë se aktori i humorit nuk mori pjesë as në Post Big Brother VIP. Për më tepër, ai ka hequr dorë nga udhëtimi nëpër botë që mori si dhuratë dhe shpjegoi përmes një videoje që ndau në Instagram, se ka menduar që t’i dhurojë 7 biletat për destinacionet për 7 çifte.