“Vrasjen e kam bërë unë dhe babai e shoku im nuk kanë asnjë lidhje me ngjarjen” .
Kjo ka qenë dëshmia e dhënë në polici nga 22-vjeçari Llej Lika, i cili bashkë me babain e tij, Skënderin dhe shokun e tij Klajdi Gjexhajn (Beleshi), u arrestuan një ditë më parë për vrasjen e biznesmenit Rakip Roli, në Sanxhak të Kurbinit.
I riu ka thënë para hetuesve se vrasjen e ka kryer në shenjë hakmarrje, pasi djemtë e viktimës e kishin dhunuar barbarisht në muajin korrik të këtij viti.
Biznesmeni i materialeve të ndërtimit Rakip Roli apo i njohur ndrydhe dhe si “Piloti”, u ekzektua me breshëri plumbash teksa po lëvizte me automjetin e tij luksoz “Audi” Q7 në rrugën e vjetër Laç-Mamurras.
Autorët i zunë pritë 55-vjeçarit dhe qëlluan me breshëri plumbash, kur ai sapo kishte dalë nga banesa dhe po lëvizte në drejtim të Mamurrasit.