Nga kjo e martë e 1 korrikut, marrëveshja për njohjen e ndërsjellë të viteve të punës mes Shqipërisë dhe Italisë ka hyrë zyrtarisht në fuqi, duke sjellë një lehtësi të madhe për mijëra qytetarë shqiptarë dhe italianë që kanë punuar në të dy vendet. Individët që plotësojnë kriteret për përfitim pensioni mund të aplikojnë pranë zyrave të sigurimeve shoqërore në të dy vendet, ose online në portalin zyrtar e-Albania. Instituti i Sigurimeve Shoqërore në Shqipëri ka bërë të ditur më herët se janë marrë masa për të përballuar një numër të madh aplikimesh, që sipas parashikimeve, pritet të kalojnë mbi…
Author: tirana
Kryeministri Edi Rama është takuar mbrëmjen e së hënës me kryetarin e BDI-së, Ali Ahmeti në Shkup. Teksa e ka përshkruar si një takim vëllazëror, Ahmeti shpreh mbështetjen për rrugën evropiane të Shqipërisë dhe shton se edhe Maqedonia e Veriut duhet që të jetë pjesë e kësaj rruge të pakthyeshme. Sipas Ahmetit, e ardhmja evropiane e rajonit është e përbashkët dhe nuk mund të ketë ndarje në këtë proces. Kreu i BDI bën me dije se diskutuan edhe për kërcënimet ndaj marrëveshjes së Ohrit, marrëdhëniet ndëretnike në vend, por edhe për rëndësinë e forcimit të raporteve mes Shqipërisë dhe Maqedonisë…
Ditën e martë vendi ynë do të jetë nën ndikimin e kushteve atmosferike të qëndrueshme. Moti parashikohet i kthjellët në të gjithë territorin, ndërsa vranësirat do të jenë të pakta kalimtare përgjatë zonave malore në mesditë e pasdite.Era me drejtim veriperëndim-verilindje me shpejtësi mesatare 7 m/s, në lugina dhe bregdet hera-herës fiton shpejtësi 7-15 m/s.Deti – Valëzimi 1-3 ballë.
DASHI Gjatë këtyre 24 orëve mos u ngurroni: nëse duhet të thoni diçka, bëjeni. Çdo vendim do të ketë një pasojë dhe ndoshta edhe një heqje dorë, por nyjet po kthehen në shtëpi për të fjetur. Hëna dhe Jupiteri do t’ju ndihmojnë në këtë kuptim! DEMI Sipas horoskopit të Paolo Fox (e martë, 1 korrik 2025), ju e urreni ndërhyrjen e njerëzve përreth jush. Mërkuri në disonancë flet për paratë që dalin dhe për shqyrtimin e llogarive, ndërsa Venusi në shenjë shfrytëzon dashurinë dhe do t’ju ndihmojë të jetoni një ndjenjë në një mënyrë të përmbushur. BINJAKËT Hëna nervoze ju…
Kryeministri Edi Rama ka ndarë me ndjekësit një video të mrekullueshme nga Kanionet e Moglicës. Për të këto kanione janë një bukuri e rrallë në zemër të Maliqit. Në juglindje të Shqipërisë, në rrethin e Maliqit, gjendet një nga mrekullitë natyrore më të veçanta të këtij rajoni: Kanionet e Moglicës. Ky vend unik është një thesar i fshehur me pasuri natyrore dhe ekologjike të zonës së Maliqit dhe përbën një destinacion të preferuar për adhuruesit e natyrës. Kanionet e Moglicës janë formuar nga rrjedha e lumit Moglicë, një degë e vogël, por e fuqishme që kalon nëpër male dhe shkëmbinj…
Disa zona në vend janë përfshirë nga flakët. Kreu i Agjencisë Kombëtare të Mbrojtjes Civile, Haki Çako e cilëson situatën të qetë, ndërkohë që vlerëson si qarqet më problematike nga zjarret ato të Vlorës dhe Lezhës. Sipas kreut të AKMC, pjesa më e madhe e zjarreve në Shqipëri shkaktohen nga dora e njeriut. ”Aktualisht kemi një intensitet të ulët zjarresh. Kanë qenë 16 vatra dhe vetëm një prej tyre është ende aktive. Ditët e mëparshme kemi pasur situata më të rënda. Qarqet më problematike kanë qenë në Vlorë, Lezhë e Kukës. Mbi 90% e rasteve janë me faktor njeri, lidhen drejtpërdrejt…
Për herë të parë në historinë e saj, Partia Komuniste e Kinës ka tejkaluar kufirin prej 100 milionë anëtarësh, sipas të dhënave të publikuara zyrtarisht sot nga autoritetet kineze. Krahasuar me vitin 2014, kur partia kishte rreth 87.8 milionë anëtarë, rritja është gati 15% në një dekadë. Vetëm në vitin 2021, anëtarësimi u rrit me 3.7%, një tregues i rritjes së intensitetit të përfshirjes politike në periudha kyçe për vendin, përfshirë protestat në Hong Kong dhe menaxhimin e pandemisë Covid-19. Zyrtarët e partisë kanë theksuar se rritja e anëtarësisë nuk është vetëm statistikore, por edhe dëshmi e legjitimitetit dhe ndikimit…
Ekspertët e çështjeve ligjore-kushtetuese thonë se aktgjykimi i Gjykatës Kushtetuese nuk solli zgjidhje për krizën institucionale në Kosovë. Sipas tyre, zgjidhja tani mund të vijë vetëm përmes një marrëveshjeje politike, ose me ndërhyrjen e presidentes. Gjykata Kushtetuese e Kosovës dha urdhrin, por në Kuvend nuk ka as zbatim, as marrëveshje. Për të 39-ën herë më 29 qershor, deputetët e zgjedhur dështuan të konstituojnë institucionin ligjvënës. Ndërkohë që afati prej 30 ditësh – i përcaktuar nga Kushtetuesja për përmbylljen e konstituimit – ec, ata mbeten të bllokuar në mosmarrëveshje të thella politike. Njohësit e çështjeve ligjore-kushtetuese paralajmërojnë se nëse Kuvendi nuk…
Ditën e sotme në Vatikan është inauguruar selia e re e ambasadës së Shqipërisë. I pranishëm në këtë aktivitet ishte Ministri për Evropën dhe Punët e Jashtme, Igli Hasani; Sekretari për Marrëdhëniet me Shtetet dhe Organizatat Ndërkombëtare në Selinë e Shenjtë, Imzot Paul Richard Gallagher; Kancelari i Madh dhe Ministri i Punëve të Jashtme të Urdhrit Sovran të Maltës, Shkëlqesia e Tij, Riccardo Paternò di Montecupo; përfaqësues të trupit diplomatik të akredituar pranë Selisë së Shenjtë; si dhe autoritete të tjera. Ministri Hasani e ka cilësuar këtë hap si dëshmi të forcimit të marrëdhënieve mes Shqipërisë dhe Selisë së Shenjtë,…
Kanë dalë notat e provimeve të lëndëve me zgjedhje për të gjithë maturantët. Provimet me Zgjedhje i kanë kryer në total 25 872 maturantë. 360 maturantë kanë marrë notën 4.00, duke mbetur, ndërsa 366 maturantë kanë arritur të marrin notën maksimale 10.00, duke rezultuar ekselentë. Kalueshmëria për këtë provim është 98.61% ndërsa nota mesatare është 7.72. Brenda disa minutash do të publikohet edhe nota mesatare sipas 12 qarqeve të vendit si edhe statistika te metejshme për rezultatet e këtij provimi. LINKU
Një 66-vjeçar, punonjës i një firme ndërtimi në Berat është rrëzuar nga kati i tretë i një pallati në ndërtim në lagjen “Kushtrimi”. Si pasojë e dëmtimeve që ka marrë pas rrëzimit, 66-vjeçari ka humbur jetën në spital, teksa po merrte ndihmën e parë. Policia bën të ditur se grupi hetimor është në vendngjarje dhe po punon për zbardhjen e rrethanave të rastit.
Rinasi ka shënuar një tjetër muaj rritjeje të ndjeshme, duke pritur 999.688 pasagjerë dhe realizuar 6170 fluturime gjatë muajit qershor 2025. Fluturimet janë kryer drejt 84 destinacioneve ndërkombëtare në 24 shtete, duke reflektuar zgjerimin e vazhdueshëm të rrjetit ajror të aeroportit, shkruan A2 CNN. Muaji qershor ka shënuar gjithashtu rikthimin e disa linjave të kërkuara, duke zgjeruar më tej mundësitë e udhëtimit për pasagjerët vendas dhe të huaj. Sipas të dhënave të përpunuara, destinacionet më të frekuentuara për këtë muaj kanë qenë: Milano, Londra, Roma, Bolonja, Venecia.